အဖွဲ့စည်းမျဉ်း

People Support Team (PST) ပြည်သူ့ထောက်ပံ့ရေးအဖွဲ့

ရည်ရွယ်ချက် –

• စောင့်ရှောက်မှုကင်းမဲ့၍ အကူအညီလိုအပ်နေသော ပြည်သူများအတွက် အကူအညီရရှိစေရန်။
• တစ်ဦးတစ်ယောက်၏ ဦးဆောင်မှုထက် စုပေါင်းအင်အားဖြင့် တက်ညီလက်ညီသွားနိုင်ကြစေရန်။
• အလုပ်သမားရေးကိစ္စရပ်များအတွက် ယခင်ကထက် ပိုမိုတွင်ကျယ်စွာ ကူညီလုပ်ဆောင်လာနိုင်စေရန်။

လုပ်ဆောင်ချက် –

• တပ်ဖွဲ့ဝင်တစ်ဦးချင်းစီမှ ရရှိလာသော ရံပုံငွေများအားလုံး၏ (၇၀%)ကို ပြည်တွင်းမှ တိုင်းနှင့်ပြည်နယ်အားလုံးသို့ ခွဲဝေထောက်ပံ့ပြီး (၃၀%)အား အဖွဲ့ဝင်ထားသော မြန်မာရွှေ့ပြောင်းအလုပ်သမားများ၏ အခက်အခဲများအား ကူညီရာတွင် အဖွဲ့၏ ဘတ်ဂျက်အဖြစ် အသုံးပြုနိုင်စေရန်။
• မြန်မာပြည်တွင်းရှိ ဒုက္ခရောက်နေသော စစ်ဘေးရှောင်ပြည်သူများနှင့် ပြည်ပရောက် မြန်မာနိုင်ငံသားများ၏ အခက်အခဲအား ကူညီနိုင်စေရန်။
• စစ်အာဏာရှင်စနစ်လက်အောက်မှ လွတ်မြောက်ပြီး Federal ဒီမိုကရေစီနိုင်ငံသစ် ဖြစ်ပေါ်လာစေရန်။

PST တပ်ဖွဲ့ဝင်များ လုပ်ဆောင်ရမည့် တာဝန်နှင့်ဝတ္တရားများ

• PST တပ်ဖွဲ့ဝင်တိုင်း လစဉ်(၂၀၀)ဘတ် ထည့်ဝင်ရမည်။
• တပ်ဖွဲ့ဝင်အချင်းချင်း ကူညီဖေးမကြရမည်။
• PST တပ်ဖွဲ့ဝင် (၁၀)ယောက်ကို စုစည်းဦးဆောင်နိုင်သောသူဖြစ်လျှင် (၁၀+၁)ယောက်ကို ဦးဆောင်ရမည့် (တပ်စိတ်မှူး) တာဝန်ကို ရရှိမည်။
• တပ်ဖွဲ့ဝင် (၃၂)ယောက်ကို စုစည်းဦးဆောင်နိုင်သောသူဖြစ်လျှင် (၃၂+၁) ယောက်ကို ဦးဆောင်ရမည့် (တပ်စုမှူး) တာဝန်ကို ရရှိမည်။
• တပ်ဖွဲ့ဝင် (၉၈)ယောက်ကို စုစည်းဦးဆောင်နိုင်သောသူဖြစ်လျှင် (၉၈+၁) ယောက်ကို ဦးဆောင်ရမည့် (တပ်ခွဲမှူး)တာဝန်ကို ရရှိမည်။
• တပ်ဖွဲ့ဝင်(၂၉၆)ယောက်ကို စုစည်းဦးဆောင်နိုင်သောသူဖြစ်လျှင် (၂၉၆+၁)ယောက်ကို ဦးဆောင်ရမည့် (တပ်ရင်းမှူး)တာဝန်ကို ရရှိမည်။
• မိမိအဖွဲ့မှ တပ်ဖွဲ့ဝင် လျှော့နည်းသွားလျှင် တပ်ဖွဲ့ဝင်အသစ်အား ပြန်လည်ရှာဖွေ၍ မိမိတပ်ဖွဲ့အင်အားပြည့်မီစေရန် ပြန်လည် စုဆောင်းပေးရမည်။
• မိမိတပ်ဖွဲ့ဝင်များကို မိမိကိုယ်တိုင် ထိန်းသိမ်းကြပ်မတ်ရမည် ဖြစ်ပြီး တပ်ဖွဲ့ဝင်များမှလည်း မိမိအဖွဲ့ဦးစီးသူနှင့် အမြဲတမ်းဆက်သွယ်မှု ရှိရမည်။
• အဖွဲ့ဝင်များအားလုံး စိတ်ဓါတ်ခွန်အားဖြစ်စေရန် အခါအားလျော်စွာ Online Zoom Meeting များပြုလုပ်၍ တွေ့ဆုံပွဲများ ပြုလုပ်ပေးခြင်း၊ အဖွဲ့ခေါင်းဆောင်များကြီးမှူး၍ ခေါင်းဆောင်ခြင်းဆိုင်ရာ ဟောပြောမှု့များပြုလုပ်ပေးခြင်း၊ အဖွဲ့ဝင်များအားလုံး အပြင်တွင် တွေ့ဆုံရင်းနှီးစေရန် တွေ့ဆုံပွဲများ ကျင်းပပေးခြင်း စသည်တို့ကို ပြုလုပ်ပေးရမည် ဖြစ်သည်။

PST တပ်ဖွဲ့ဝင်များ၏ အကျိုးခံစားခွင့်များ

• တပ်ဖွဲ့ဝင်များထဲမှ အလုပ်သမားအခွင့်အရေး ချိုးဖောက်ခံရလျှင် အဖွဲ့မှ (၁၀၀၀၀)ဘတ် (တစ်သောင်းဘတ်)ထက်မပိုသော ငွေကြေးကို ရံပုံငွေအဖြစ် သုံးစွဲ၍ ကူညီဖြေရှင်းပေးမည်။ (မှတ်ချက် တရားဥပဒေဘောင်ထဲမှ ကူညီဖြေရှင်းပေးမည် ဖြစ်သောကြောင့် ဥပဒေနှင့်မညီသော အမှု့များကို အဖွဲ့မှ တတ်နိုင်သလောက်သာ ကူညီဖြေရှင်းပေးမည်။)
• လတ်တလော PST အဖွဲ့ စတင်တည်ထောင်ချိန်ဖြစ်၍ နယ်တိုင်းတွင် နယ်မြေခံကိုယ်စားလှယ် အဖွဲ့များ ထားရှိနိုင်ခြင်း မရှိသေးပါ။ သို့ဖြစ်ပါ၍ ဘန်ကောက်နှင့် အလွန်အလှမ်းဝေးသော နယ်မြေများကို သွားရောက်ကူညီဖြေရှင်း ပေးနိုင်ဦးမည် မဟုတ်ပါ။
• PST အဖွဲ့သို့ စတင်ဝင်ရောက်ချိန်မှစ၍ (၃)လ ပြည့်မှသာ QR Scan ပါသော တပ်ဖွဲ့ဝင် ကဒ်ပြားကို ထုတ်ပေးမည်ဖြစ်သည်။ အဖွဲ့ထံ အကူအညီတောင်းခံသူများသည် တပ်ဖွဲ့ဝင်ကဒ်မှာ လစဉ်ရံပုံငွေ သွင်းထားသူ ဖြစ်မှသာလျှင် ကူညီပေးမည်။